Скудриње доби целосно обновена и проширена улица

Комплетно рехабилитирана и модернизирана улица во населбата Падина.

Успешно заврши и последната фаза од капиталниот проект за рехабилитација, проширување, асфалтирање и хоризонтално обележување на улица во село Скудриње.

Со ова, жителите на ова населба добиваат модерна, безбедна и суштински подобрена патна инфраструктура според сите современи стандарди.

Овој важен проект за Скудриње и за целата општина беше реализиран со финансиска поддршка од Владата на Р. Македонија, како и со дел кофинансиран со средства директно од буџетот на Општина Маврово и Ростуше.

По повод успешното завршување на градежните активности, градоначалникот

м-р Онер Јакупоски ја потврди одличната и конструктивна соработка помеѓу локалната и централната власт.

Тој истакна дека токму преку ваквиот заеднички и координиран пристап се постигнуваат најдобрите резултати кои директно влијаат на подобрување на квалитетот на секојдневниот живот на граѓаните.

Општина Маврово и Ростуше продолжува посветено да работи на реализација на нови капитални инвестиции и рамномерен развој на сите населени места