Започна системското решавање на проблемите со уличното осветлување во сите населени места на Општина Маврово и Ростуше

По насока дадена од Повереник – Градоначалникот на Општина Маврово и Ростуше, Онер Јакупоски, општинските служби водени од принципот услуга за сите без никаква селективност, започна со системско и темелно решавање на долгогодишните проблеми со уличното осветлување во сите населени места во општината.

Досегашните парцијални интервенции, по насока од Повереникот – Градоначалник Онер Јакупоски се заменуваат со сеопфатен акционен план кој вклучува:

– Идентификација на дефектите: Детална мапа на сите критични точки и неисправна мрежа.

– Модернизација: Поправка на старите и инсталација на нови, енергетски ефикасни светилки каде што е потребно.

Целта на овој систематски пристап е двојна: значително да се подобри безбедноста на граѓаните и пешаците, особено во вечерните часови, и да се постигнат заштеди во општинскиот буџет преку ефикасно користење на енергијата.

Ова е само првиот чекор во нашата заложба Општината да биде во служба на граѓаните и да испорача квалитетна комунална инфраструктура насекаде.

Одстранувањето на сите дефекти од мрежата за улично осветлување продолжува секојдневно, се до одстранување и на последната пречка за ефикасно функционирање на уличното осветлување.

Извор: Facebook страна на Општина Маврово и Ростуше