„Родителите од Кочани повторно на протест – првата Нова година ќе дојде без нивните чеда“

Во Кочани денеска се одржа 35. протестен марш „Марш за ангелите“, на кој семејствата на загинатите во трагичниот пожар во дискотеката „Пулс“ уште еднаш изразија болка, револт и барање за правда за своите настрадани деца.

„Маршот за ангелите“ го организираат родителите и семејствата на младите луѓе кои ги загубија животите во пожарот во клубот „Пулс“ во Кочани – трагедија што на 16 март 2025 година однесе десетици животи и остави длабоки рани во заедницата.

Во текот на маршот, неколку родители држеа емотивни говори, вклучително и татко кој ја спомена својата ќерка Надица, која утре требаше да го прослави својот 18 – ти роденден. Тој истакна дека таа не починала по „божја волја“, туку поради корупција и институционални пропусти што, според него, ја довеле до трагедијата.