Започна санацијата на уличното осветлување во Галичник

Почитувани,

Месната заедница на Галичник упатува искрена благодарност до Општина Маврово и Ростуша за започнатата годишна санација и обновување на уличното осветлување во Галичник.

Со оваа активност значително ќе се подобрат безбедноста, функционалноста и целокупниот изглед на селото во пресрет на летната сезона, кога Галичник традиционално го посетуваат голем број гости, иселеници и туристи.

Екипите веќе активно работат на терен, при што се врши замена и сервисирање на постојните светилки, како и санација на делови од мрежата каде што е потребно.

Ваквите активности се од големо значење за уредувањето и подготовката на Галичник за претстојните настани и за подобри услови за сите жители и посетители.

Уште еднаш, благодарност до Општина Маврово и Ростуша за ангажманот, поддршката и континуираната грижа за Галичник.

Извор: Фејсбук страна на месна заедница Галичник