СКАНДАЛ ВО „ГРАНД“: Вики Миљковиќ БАРА 200.000 ЕВРА од македонски пејач – му даде рок од 24 ЧАСА за јавно извинување!

Вистинска медиумска бомба ја потресе регионалната музичка сцена – популарната пејачка и менторка Вики Миљковиќ најави тужба против македонскиот пејач Александар Темелков, поради, како што тврди, изнесени невистини кои ѝ нанеле сериозна штета на угледот.

Во емисијата на новинарот Давид Давидовски, Темелков јавно изјави дека за време на неговото учество во шоуто „Ѕвездите на Гранд“, му било побарано мито од 20.000 евра, директно посочувајќи ја Вики како виновник. Изјавата експресно се прошири низ медиумите, предизвикувајќи силна реакција кај пејачката.

Вики реагирала преку адвокатска опомена пред тужба, барајќи од Темелков:

Јавно извинување во рок од 24 часа

Повлекување на изјавите

Во спротивно, ќе поднесе тужба за отштета во вредност од 200.000 евра

Поддршка за неа веднаш пристигна и од „Гранд продукција“, кои најавија дека ќе стојат зад Вики во сите понатамошни правни постапки.

Се огласи и новинарот Давидовски, кој изјави дека Вики му е една од омилените пејачки, иако како новинар морал да ја објави секоја страна на приказната.

На крајот, и самиот Темелков се извини, велејќи дека не му било намера да навреди никого и дека неговите зборови биле погрешно протолкувани.