Почнува дводневна скрининг програма за жителите на Трубарево

Министерот за здравство Азир Алиу најави дека од утре започнува дводневна скрининг програма за сите жители на Трубарево и околните населби, поради ризиците по здравјето од неодамнешниот пожар со литумски батерии. Скринингот, кој ќе го спроведат тимови пулмолози на терен, има за цел навремено да се детектираат евентуални респираторни проблеми. Сите градјани со посериозни здравствени индикатори ќе бидат упатени за понатамошни испитувања на Клиниката за пулмологија. Министерството за здравство и Институтот за јавно здравје паралелно ќе вршат мониторинг на почвата, воздухот и водата, со повторени анализи по првиот дожд и по еден месец. Алиу најави дека скринингот е само прва фаза, а контролите на здравствената состојба во регионот ќе продолжат, при што ќе се вклучуваат и други медицински специјалисти по потреба.