Што ако избие нуклеарна војна? Пет милијарди луѓе би загинале, а само две држави можат да преживеат

Стравувањата од глобален конфликт повторно се зголемуваат, а научниците предупредуваат дека евентуална нуклеарна војна би имала катастрофални последици за човештвото. Според научни анализи, таков конфликт би можел да предизвика смрт на околу пет милијарди луѓе, додека планетата би се соочила со долготрајна криза со храна.

Експертите објаснуваат дека експлозиите на нуклеарни боеви глави би создале огромни огнени топки и масивни количини чад и прашина кои би се издигнале во атмосферата. Овој феномен може да предизвика таканаречена „нуклеарна зима“, при што сончевата светлина би била блокирана, а температурите би се намалиле на глобално ниво.

Како резултат на тоа, светското земјоделство би колабирало, што би довело до масовен глад и недостиг од храна кој би можел да трае и до десет години.

Некои научни анализи сугерираат дека во вакво сценарио само неколку земји би имале реална шанса да одржат производство на храна и да избегнат целосен колапс. Според проценките, Австралија и Нов Зеланд се меѓу ретките држави кои би можеле релативно да ги издржат последиците од нуклеарна зима благодарение на нивната географска позиција и земјоделски потенцијал.

Истражувачите предупредуваат дека во светот денес постојат околу 12.000 нуклеарни боеви глави, што значи дека евентуална глобална нуклеарна ескалација би имала последици какви што човештвото досега не искусило.

Иако ваквото сценарио засега е само теоретско, експертите нагласуваат дека ризикот од нуклеарен конфликт останува една од најголемите закани за човештвото.