Виолета Анастасоска именувана за нова директорка на ООУ „Денче Дејаноски“ – Маврови Анови

Градоначалникот на Општина Маврово и Ростуше, Онер Јакупоски донесе Решение за избор на вршител на должност (в.д) директор на Општинското Основното училиште „Денче Дејаноски“ во Маврови Анови.

За вршител на должност (в.д) директор на оваа образовна установа е именувана Виолета Анастасоска, учителка по одделенска настава.

При врачувањето на решението, градоначалникот истакна дека изборот на докажан просветен работник е гаранција за континуитет и посветеност во работата.

На новата директорка ѝ посака успех во извршувањето на одговорната функција, многу плодна работа, како и внесување на нови иновации кои ќе значат уште поголем квалитет во образовниот процес за учениците од овој крај.

Општина Маврово и Ростуше продолжува да биде силен поддржувач на образовните институции, со цел обезбедување современи услови за раст и развој на секое дете.

Извор: Фејсбук страна на Општина Маврово и Ростуше