(ВИДЕО)-ММА борец изрешетан со пет куршуми пред својот дом – се бори за живот

Познат ММА борец Тимур Кизриев преживеа обид за убиство откако синоќа беше нападнат пред својот дом. Напаѓачот, кој го чекал во заседа, испукал пет куршуми во него во моментот кога борецот се враќал дома. Целиот инцидент е регистриран од безбедносните камери и видеото е предадено на полицијата.

И покрај сериозните повреди, борецот останал свесен и бил веднаш префрлен во болница. Според лекарите, неговата состојба моментално е стабилна, но и понатаму сериозна.

Полицијата започна истрага и се обидува да го идентификува напаѓачот, но мотивите засега остануваат непознати. Се разгледуваат повеќе можни правци, вклучувајќи лична пресметка и потенцијални врски со организиран криминал.

Овој напад повторно го актуелизира прашањето за потенцијалната поврзаност на некои борци од спортовите како ММА со подземјето, како и ризиците со кои се соочуваат надвор од рингот.