Скандал во Скопје: Му го украле автомобилот бидејќи го оставил отклучен со клучот на бравата – Дали и ти ја правиш оваа грешка?

Вистинска драма се случила синоќа во Центар, откако на еден граѓанин му било украдено возило, само затоа што го оставил отклучено, со клучот сè уште вметнат во бравата. Инцидентот се случил на паркинг во Центар, а возилото било „Фолксваген Голф“ со скопски таблички.

Сторителот, 40-годишниот Р.Р. од с.Трубарево, ја искористил ситуацијата, влегол во незаклученото возило, го стартувал моторот со клучот што бил оставен и заминал.

Благодарение на брзата интервенција на полициските службеници од СВР Скопје, возилото е брзо пронајдено, а сторителот лишен од слобода во населбата Чаир. Возилото ќе му биде вратено на сопственикот, а против осомничениот ќе биде поднесена соодветна кривична пријава по член 242 од Кривичниот законик – „одземање моторно возило“.

Дали вакви ситуации можат да се избегнат?

Ова е уште една сериозна опомена за возачите: никогаш не оставајте возило отклучено, дури ни за момент, а особено не со клучеви внатре. Дури и ако мислите дека сте „блиску“ или „ништо нема да се случи“, криминалците се будни и го искористуваат секој момент на невнимание.